1. 26-07-2010 16:30

Díselgráni

Konan mín biður kærlega að heilsa konunni þinni Ragnar. 
Siggi Skarp

Registered

2. 28-07-2010 20:20

Diesel gráni

Hvað er hann notaður í á vorin þá helst.....slóðadrátt eða????...annars virðist það nú ekki vera mikið mál að gera þennan flottann.

Registered

3. 28-07-2010 20:49

Ekið í varpið

Þessi vél mun notuð til að komast að æðarvarpi og sagt auðvelt að starta henni gang (sé geymir til staðar) en sá er sennilega geymdur inni þegar vélin er ekki í notkun. 
Eins og sést á síðustu myndinni er vélin trúlega af 54 árgerðinn fyrst drifhúsið er steypt í lok desember 1953 en mér tókst að stilla mig um að skafa upp framleiðslunúmerið sem er í felum undir mörgum lögum af málningu. 
Ekki veit ég hvort dráttarvélin kom ný eða notuð til landsins, reikna með að hún hafi komið notuð.

Registered

4. 03-08-2010 22:21

Ferguson við aldur

Í dag var ég á ferð suður Strandasýslu, frá Hólmavík í Hrútafjörð og síðan hingað austur. Heyskapur (fyrri sláttur) er víðast langt kominn. Á Kollsá í Bæjarhreppi sá ég vél úti á túni, líklega 35X með Vicon Lely múgavél aftan í sér og hafði greinilega verið í notkun í sumar. Rafhlaðan í myndavélinni minni notaði hinsvegar tækifærið til að tilkynna sig tóma, svo ég gat ekki tekið mynd af þessum sómagrip. En það er út af fyrir sig skemmtilegt að sjá að vélar af þessari gerð eru enn að þjóna eigendum sínum með sóma og fá viðhald við hæfi.

Registered