Rauða deildin í kvöldsólinni

Við fengum bréf frá feðgunum á Hunkubökkum á Síðu, nálægt Kirkjubæjarklaustri með myndum af nokkrum véla þeirra og smá upplýsingum um þær. Eins og sést á myndinni hér til hliðar eiga þeir nokkrar vélar af mismunandi gerðum, stærðum og aldri. Á myndina vantar þann elsta, bensín Grána árgerð 1953 ( TEA-20) en þarna má sjá MF-35, MF185, MF-1250, MF-3080 og þann nýjasta; MF-7485 árgerð 2006.

Til að fullkomna "rauðu deildina" fékk Ferguson hjólið MF-20MD að vera með á myndinni.

Við þökkum þeim feðgum bréf og myndir sem við birtum á næstu síðu (Lesa meira).

Umsögn (6) | Velja sem UPPÁHALD (22) | Vitnaðu í þessa grein | Skoðað: 767

Það er ekki oft sem maður sér gamla dráttarvél í akstri í Reykjavík. Við höldum að hér sé "Diggadigg" á heimleið út á Álftanes að lokinni smá dráttarvélasamkomu 2008.
Greinilega er verið að skipta um akrein.

Það var Magnús í Vörnum sem sendi okkur myndina sem birtist í Fréttablaðinu 26 ágúst 2008. Það er smá umvöndun í textanum undir myndinni:
KOMINN Í KAUPSTAÐ
Nokkrar umferðartafir urðu á Kringlumýrarbraut í gær þegar ökumaður fagurgrænnar Deutz-dráttarvélar truflaði umferðina á háannatíma.
Akstur dráttarvéla er bannaður á helstu stofnbrautum borgarinnar eins og Kringlumýrarbraut milli klukkan 7.30 og 9 árdegis og milli klukkan 16.30 og 18.30.

Eiríkur í Vélboða sendi okkur bréf og myndir tengt Deutz og við birtum það efni á næstu síðu. Báðum þökkum við sendingarnar.

Vertu fyrstur til að tjá þig um greinina | Velja sem UPPÁHALD (34) | Vitnaðu í þessa grein | Skoðað: 616