Ferguson-Félagið - Ár Nallans og myndasíður úr sveitinni.

Eins og þið sjáið gerðum við nokkrar smávægilegar breytingar á útliti síðunnar 5. desember 2008. Það sem þið takið e.t.v. fyrst eftir er að nú sést upphaf átta nýjustu umsagna sem birtast á síðunni.
Mesta breytingin er sú að til þess að skrifa umsagnir um einstakar fréttir þarf skrifarinn fyrst að skrá sig inn, það er gert efst í dálkinum til vinstri, "Innskráning". Gömlu aðgangsorðin ykkar eiga að vera í fullu gildi.

Ár Nallans og myndasíður úr sveitinni.

Skrifað af Ragnar Jónasson

fimmtudagur, 24 júní 2010

Á Landbúnaðarsafninu er Bjarni Guðmundsson að safna saman efni og myndum úr sögu IHC eða Nallanna á Íslandi og óskar eftir vinnumyndum af slíkum vélum og tækjum.

Einnig langar okkur að vekja athygli ykkar á að sumir hafa sett á netið myndir af ýmsu sem tengist bæjum þar sem þeir voru í sveit eða að ábúendur halda til haga ýmsum myndum tengdum búskapnum. Hér er reyndar traktorinn heimagert leikfang, dekkin eru sandfylltar tóbaksdósir!

Meira þessu tengt á næstu síðu.

Þið skuluð endilega smella á þessa grein Bjarna þar sem hann óskar eftir myndum af International 10-20, W-4, Farmall A og Cub, B-250, B-275, B-414 osfrv. að ógleymdum beltavélunum/ jarðýtunum TD 6, TD 9 og TD 14 og öllum vinnuvélunum (jarðvinnslu-tækjum, heyvinnuvélum, vögnum ... bæði fyrir hesta og dráttarvélar), sjá http://www.landbunadarsafn.is/frettir/nr/104494/.

Við látum fljóta með tvær slóðir þar sem eru einhverjar gamlar myndir af traktorum. Það má fletta yfir á fleiri síður sér til skemmtunar ef örvar eru neðst á síðunum.

Þetta er önnur slóðin: Sumrin1960-1963 var myndatökumaðurinn (PEBS) í sveit á Gilsárteigi í Eiðaþinghá og sumrin 1964-1966 á Kagaðarhóli í A-Húnavallasýslu

Hin slóðin er Rauðilækur sem sennilegast er fyrir norðan sbr. A-d. númerið og á þeim bæ má einnig sjá skipt um dekk á þessar þrjátíuog fimmu sem er hér til hliðar.
(http://picasaweb.google.com/raudilaekur)

Ef þið vitið um slóðir þar sem dráttarvélamyndir eru áberandi megið þið alveg gefa þær upp í "Umsögnum" neðan við greinina. Þannig safnast saman nokkur fróðleikur.

Velja sem UPPÁHALD (17) |

Vitnaðu í þessa grein | Skoðað: 389

Vertu fyrstur til að tjá þig um greinina

Only registered users can write comments.
Please login or register.

< Fyrri		Næsti >

[ Til baka ]

Unnið af - Hvarertu.is