Ferguson-Félagið - Mót Fornbílamanna á Selfossi 25.

Eins og þið sjáið gerðum við nokkrar smávægilegar breytingar á útliti síðunnar 5. desember 2008. Það sem þið takið e.t.v. fyrst eftir er að nú sést upphaf átta nýjustu umsagna sem birtast á síðunni.
Mesta breytingin er sú að til þess að skrifa umsagnir um einstakar fréttir þarf skrifarinn fyrst að skrá sig inn, það er gert efst í dálkinum til vinstri, "Innskráning". Gömlu aðgangsorðin ykkar eiga að vera í fullu gildi.

Mót Fornbílamanna á Selfossi 25. - 27. júní.

Skrifað af Ragnar Jónasson

miðvikudagur, 16 júní 2010

Þessa mynd fundum við á síðu Fornbílaklúbbsins.

FORD ´55 er einn þeirra bíla sem hvað fastast er greyptur inn í huga síðustjóra Fergusonfélagsins og hefði trúlega mestan áhuga á að eignast hefði hann bíladellu.
En svo er ekki og honum er réttast að halda sig bara við ´55 árgerðina af Ferguson!.

Það er jafnvel talið að myndin sé tekin undir Ingólfsfjalli en á Selfossi sem er í nágrennni þess fjalls verður

Landsmót Fornbílaklúbbsins haldið helgina 25. - 27. júní n.k.

Meira er málið á næstu síðu.

.

Við fengum póst frá Þorgeiri Kjartanssyni félaga okkar og þar segir m.a.:

Landsmót Fornbílaklúbbsins fer fram helgina 25. til 27. júní á Selfossi og eru félagar í Ferguson-félaginu velkomnir á mótið.

Mótið verður sett föstudaginn 25. júní með keyrslu inn á Selfoss og síðan er aðalsýningin okkar á laugardeginum 26. júní.

Gaman væri að sjá sem flesta félaga úr Ferguson-félaginu á svæðinu.

Dagskráin er kynnt á slóðinni http://www.fornbill.is/landsmot.html
og einnig á http://www.facebook.com/landsmot2010."

Með ósk um gott samstarf í framtíðinni,

Þorgeir Kjartansson

Formaður Landsmótsnefndar

Þetta netfang er varið fyrir ruslrafpósti, þú þarft að hafa Javascript virkt til að skoða það
gsm.660-1763

Við í Fergusonfélaginu þökkum Þorgeiri fyrir að vekja athygli okkar á Landsmótinu en hann er áhugamaður bæði um bíla og dráttarvélar.
Fergusonfélaginu var boðið að vera með kynningu á félaginu þarna en því miður eru stjórnarmenn og síðustjóri allir uppteknir þessa helgi svo af því verður ekki en við þökkum vinsemd Fornbílaklúbbsins í okkar garð.

Við hvetjum alla dráttarvélamenn sem eiga heimangengt að skreppa á Selfoss og skoða gamla bíla enda er varðveisluáráttan og fortíðarhyggjan sameiginleg fornbílamönnum og traktorsköllum.

.

Velja sem UPPÁHALD (9) |

Vitnaðu í þessa grein | Skoðað: 333

Umsögn (3)

	1. 17-06-2010 09:34
	... sendu nú Gullvagninn ... Gleðilega þjóðhátíð! Þar sem síðan virðist farin að snúast um flest annað en Ferguson datt mér í hug að bregðast við orðum Ragnars varðandi Ford´55 sem ég um margt er sammála. Hæsta stig eðalvagna í mínum huga er þó hvítur og ljósbrúnn Chervolet Bel Air 1955. Með hálfhringsrúðu eins þar hét. Goði okkar Dýrfirðinga á þeirri tíð, Eiríkur Þorsteinsson kaupfélagsstjóri og alþingismaður, eignaðist slíkan. Mér þótt bíllinn sem frá öðrum heimi kominn. Snarráður maður Eiríkur og fljóthuga. Ók því hratt enda erindin mörg. Vitanlega þótti stráktitt tilkomumikið að sjá rykmökkinn samfelldan heiman úr hlaði á Kirkjubóli og niður að Sandabrú - einhverjum 2-3 km neðar, með Lettann á urrandi ferð um holur og grjót fremst í mekkinum. Oftast rataði vegurinn undir glæsivagn Eiríks. Þó ekki alltaf. Mér er hvað minnisstæðust skilarétt á hausti. Eiríki var í mun að bændurnir ættu almennilegt fé og legðu inn sæmilega dilka. Því hlutaðist hann til um hrútaval og miðlun kynbótafjár: Til þess notaði hann skottið á Lettanum. Í það stakk hann gjarnan hrútkægli eða snoturri gimbur og færði þeim sem bæta þurfti fé sitt að hans mati. Mig minnir að Eiríkur hafi mest komið 8 lambhrútum í skott Lettans, en þá stóðu líka jafnmargir karlar í kringum það og vörnuðu hrútunum brotthlaupi rétt á meðan kaupfélagsstjóri, væddur hatti og í dökkum sparifötum með bindi, skellti skottinu aftur. Fjárræktin tók framförum. Þetta var á þeim tíma þegar kaupfélagsstjórar voru kaupfélagsstjórar og Chervolet var Chervolet Bel Air. Ég er því að vona að þegar gerð verður ferðin stóra eftir mér .... og Gullvagninn sendur til sóknar þá verði hann af gerðinni Chervolet Bel Air, ljósbrúnn neðra en með hvítan topp. Hvort æskilegasti Gullvagns-stjóri verði Eiríkur kaupfélagsstjóri segi ég ekki orð um .... mér er nfl sagt að vegir Guðs séu órannsakanlegir. Víst er þó að undir góðri stjórn er þeir allir færir Chervolet Bel Air 1955... Registered

Þetta netfang er varið fyrir ruslrafpósti, þú þarft að hafa Javascript virkt til að skoða það

	2. 22-06-2010 08:37
	... sendu nú Gullvagninn ... Já, mín ósk er að "gullvagninn" verði GULLKÁLFURINN minn, FERGUSON 35 1957, þegar ég fer niður 6 fetin Registered

ÓLI ARELIUS

	3. 28-06-2010 16:12
	... sendu nú Gullvagninn ... Ég leit við hjá þeim á Selfossi á laugardeginum og þetta var mjög flott samkoma, ekki spillti veðrið fyrir sól og blíða. Ég stoppaði bara stutt, var á leið í útilegu, en mætti einhver með dráttarvélina sína á svæðið? Registered

Magnús Matthíasson

Only registered users can write comments.
Please login or register.

< Fyrri		Næsti >

[ Til baka ]

Unnið af - Hvarertu.is